Ministria e Drejtësisë e drejtuar nga ministri Krenar Lloga reagoi sot lidhur me ndërprerjen e aktgjykimit për organizatorët e 27 prillit.
“Është e qartë se lëshimet e qëllimshme apo të paqëllimshme të thyerjeve serioze edhe më tutje mbeten një praktikë e lejuar për disa gjyqtarë. Prandaj, është e nevojshme që menjëherë të merret një përgjigje e duhur, pse kjo lejohet në vazhdimësi, pra pse në aktgjykimin e shkallës së parë nuk janë vërtetuar të gjitha rrethanat kontestuese dhe as faktet e rëndësishme që kanë të bëjnë me veprën penale të kërcënimit terrorist të rendit kushtetues dhe sigurisë.
Me qëllimin më të mirë, i bëjmë thirrje Këshillit Gjyqësor që të reagojë menjëherë dhe të marrë masa për të përcaktuar rrethanat në bazë të të cilave është miratuar aktgjykimi, të fillojë një procedurë përfshirëse disiplinore nëse konstatohet se disa me vetëdije apo pa vetëdije me veprimet e tyre kanë lejuar që besimi në sistemin e drejtësisë të bjerë në nivelin më të ulët”, thuhet në reagim.
Gjykata e Apelit sot shfuqizoi vendimin për organizimin e dhunës së përgjakshme në Kuvend në 27 prill.
Kjo gjykatë pranoi ankesat e të akuzuarve kryesor Trajko Veljanoski, Spiro Ristovski, Mile Janakieski dhe Vlladimir Atanasovski. Lënda për organizatorët e dhunës rikthehet për rigjykim para shkallës së parë.(INA)
