Kryeministri Dimitar Kovaçevski theksoi se do ta përkrahë propozimin e ministrit të Shëndetësisë, Fatmir Mexhiti për shfuqizimin e drejtorëve ekonomikë.
“Mendoj se është e paqëndrueshme të kesh 60 drejtorë, 60 zëvendësdrejtorë dhe 60 borde drejtuese në një kilometër katror. Një gjë e tillë nuk ka askund në botë”, theksoi Kovaçevski.
Mexhiti, ndërkaq, këto ditë tha se pret që nga janari i vitit të ardhshëm të funksionojë një qendër klinike me një drejtor të përgjithshëm, që me këtë rast do të shfuqizohen drejtorët organizativë apo ekonomikë të klinikave individuale.
