Një ministër i Qeverisë në Maqedoninë e Veriut ka nënshkruar tender me një kompani e cila është në “listën e zezë” të SHBA-ve.
Kjo çështje është ngritur nga partia opozitare VMRO-DPMNE, e cila alarmoi se Qeveria aktuale i jep para kompanive të cilave u janë bllokuar asetet dhe biznesi me to është i ndaluar nga Shtetet e Bashkuara.
Nënkryetari i VMRO-DPMNE-së Aleksandar Nikolovski në emisionin “Click Plus” në TV21, bëri një pyetje publike nëse një anëtar i kësaj qeverie ka firmosur tender me një kompani nga e ashtuquajtura lista OFAC, përcjell INA.
Kjo listë, e cila përfshin individë ose kompani që punojnë për të rrezikuar sigurinë amerikane, globale ose rajonale, përfshin gjithashtu organizata dhe individë ter roristë.
Në këtë listë janë përfshirë edhe dhjetëra qytetarë të Maqedonisë, që janë kërcënim për sigurinë rajonale.
Partia opozitare nuk ka treguar se kush është kompania dhe kush është ministri që ka nënshkruar tenderin me një kompani që është në listën e zezë të SHBA-ve, por sipas mënyrës se si e ka shtruar pyetjen, emrat e tyre do të bëhen të ditur së shpejti.(INA)
