Ministri i Shëndetësisë Bekim Sali po merr pjesë në një takim të nivelit të lartë për shëndetin dhe migracionin, i cili mbahet sot dhe nesër në Stamboll, organizuar nga Organizata Botërore e Shëndetësisë.
“Është veçanërisht e rëndësishme të sigurohet që migrantët dhe refugjatët jo vetëm të kenë akses në shërbimet shëndetësore kur kanë nevojë për to, por gjithashtu që këto shërbime të përshtaten me ndryshimet demografike në shoqëri, duke respektuar plotësisht të drejtat e njeriut dhe dinjitetin e migrantëve,” theksoi ministri Sali në fjalimin e tij në takim.
Në margjinat e takimit, sipas Ministrisë së Shëndetësisë, ministri Sali u takua me Drejtorin Rajonal të OBSH-së për Evropën, Hans Kluge, duke shprehur mirënjohjen për mbështetjen dhe bashkëpunimin e vazhdueshëm për përmirësimin e sistemit shëndetësor dhe kujdesit shëndetësor në vendin tonë, për aktivitetet e ardhshme si dhe planifikimi i forcimit të bashkëpunimit me OBSH-në.
Në të njëjtën kohë, Kluge i dhuroi ministrit Sali një pllakë për angazhimin e sistemit shëndetësor dhe punonjësve shëndetësorë në vendin tonë në luftën kundër Covid-19. (INA)
