Ministri i ri i Shëndetësisë, Azir Aliu, gjatë një vizite në Spitalin Klinik të Tetovës, u takua me infermieret, të cilat prej ditësh protestojnë për pagat dhe statusin e tyre të paqëndrueshëm.
Aliu premtoi se problemi do të zgjidhet brenda afatit ligjor, që është rreth një muaj. “Ata janë pjesë vitale e sistemit shëndetësor dhe duhet të ofrojmë një zgjidhje sa më parë”, tha ai.
Infermieret falënderuan ministrin për premtimin dhe shprehën shpresën se zgjidhja do të vijë së shpejti. Aktualisht, rreth 140 infermiere në këtë spital punojnë pa kontrata, ndërsa disa prej tyre kanë mbi 10 vite përvojë pune.
