Ministrja e Mbrojtjes e Maqedonisë u deklarua pro Ukrainës, reagon ambasada ruse

Iliria News Agency
Iliria News Agency

26/01/2022

Ambasada ruse në Shkup ka reaguar ndaj deklaratës së ministres së Mbrojtjes, Sllavjanka Petrovska që ishte pro Ukrainës, në rast të ndonjë invazioni rus.

Ministrja Petrovska po ashtu u deklarua për përfshirjen e mundshme të armatës së Maqedonisë së Veriut në konfliktin mes Rusisë dhe Ukrainës nëse NATO kërkon një gjë të tillë. Ambasadës ruse theksoi se një deklaratë e tillë e ministres është befasi.

“Rusia asnjëherë nuk ka kërcënuar popullin ukrainas dhe nuk ka për qëllim të ndërmerr veprime agresive. Me fjalë të tjera, ne nuk do të sulmojmë, pushtojmë se godasim Ukrainën. Sa i përket forcave ruse të armatosura, ata po lëvizin në territor të tyre dhe kanë të drejtë të bëjnë një gjë të tillë”, nënvizohet në reagimin e Ambasadës së Rusisë në Shkup.

Petrovska deklaroi ditë më parë se nëse NATO kërkon që armata e Maqedonisë të përfshihet në konflikt të mundshëm në kufirin mes Rusisë dhe Ukrainës, kjo mund të ndodhë, por vetëm nëse ka pëlqim nga qeveria dhe presidenti.

“Institucionet tona po ndjekin zhvillimet në dhe rreth Ukrainës në lidhje me vendosjen e forcave të armatosura nga Federata Ruse përgjatë kufirit”, tha ministrja e Mbrojtjes Slavjanka Petrovska, duke shtuar se vendi mbështet përpjekjet e NATO-s dhe OSBE-së për tejkalimin e situatës së tensionuar.

“Vendosja e forcave të armatosura nga Rusia është një akt provokues dhe destabilizues që ul sigurinë e kontinentit evropian,” tha Petrovska, duke shtuar se stabiliteti i Evropës duhet të jetë qëllimi i të gjithëve. Ministrja e Mbrojtjes informoi se Qeveria dhe institucionet përkatëse janë në koordinim të plotë për të mbrojtur sigurinë e qytetarëve të Maqedonisë. (INA)

TË FUNDIT

ME TE LEXUARA

LEXO MË SHUMË

Hristijan Mickoski

VMRO-DPMNE i zyrtarizoi emrat e bartësve të listave për zgjedhjet parlamentare

izet mexhiti

Mexhiti: Ne të VLEN-it jemi me Albin Kurtin, por ju të BDI-së jeni me Kurto Dudushin (VIDEO)

ali ahmeti kurto dudush

Dudush: Ali Ahmeti është babai i kombit, duhet të respektohet nga të gjithë

Ali Ahmeti fronti

Mësohet lista e kandidatëve për deputetë e Frontit Europian

tetov

Ndërroi jetë kryetari i parë i Komunës së Tetovës (FOTO)

vlen saraj

VLEN hapin shtabin zgjedhor në komunën e Sarajit

menduh thaci

Menduh Thaçi morri pjesë në iftar në Gostivar (FOTO)

stojance-angellov-701x430

Angellov: Do të kthehesha në LSDM nëse më japin rrogë 5.000 euro

taravari kasami

Taravari dhe Kasami të pranishëm në panelin e diskutimit për integrimin e personave me aftësi të kufizuara

INFO

NA NDIQ