Mjekët specializantë: Shteti po na detyron ta braktisim vendin

Picture of INA
INA

16/04/2024

Rreth 400 mjekë të rinj në Maqedoninë e Veriut që po kryejnë specializimin në Klinikën Universitare në Shkup, e kanë ndërprerë punën në shenjë pakënaqësie për shkak të moszgjidhjes së statusit të tyre.

Ata thonë se janë të angazhuar sikurse mjekët e tjerë, mbajnë kujdestaritë e natës, punojnë në ambulanca, asistojnë në ndërhyrje kirurgjikale, por nuk kanë asnjë të drejtë, nuk janë të punësuar me kontratë, nuk kanë sigurim shëndetësor, nuk kanë stazh pune, ndërsa marrin një pagë mujore prej 420 eurosh.

Ata paguajnë vetë për specializimet që po bëjnë në klinika të ndryshme që zgjasin nga katër deri më pesë vjet, varësisht drejtimit që kanë zgjedhur.

Këta mjekë të rinj nuk e gëzojnë statusin e njëjtë sikurse mjekët e tjerë, specializimet e të cilëve financohen nga shteti dhe që e kanë të rregulluar stazhin e punës, sigurimin shëndetësor e po ashtu marrin edhe pagë më të lartë mujore.

“Të gjithë këta që ndodhen në këtë protestë, janë mjekë që nuk e kanë të rregulluar statusin e tyre. Ata kanë dëshirë dhe vullnet për të qëndruar në këtë shtet, për të dhënë kontributin e tyre në shërbim të qytetarëve, por nëse vazhdon injorimi nga shteti, atëherë nuk kanë zgjidhje tjetër pos që të marrin fatin në duart e tyre dhe të ikim nga vendi”, thotë Tamara Pejovska, mjeke që po specializon në Klinikën e Kirurgjisë.

Mjekët thonë se për shkak të moszgjidhjes së statusit, janë të detyruar që edhe kontrollet e tyre shëndetësore në vendin ku punojnë, t’i paguajnë nga xhepi i tyre ndërsa grave u ndërpritet edhe ajo pagë që marrin nëse shkojnë në pushim të lehonisë.

“Mua më ka ndodhur që kontrollin shëndetësor ta paguaj privatisht, pasi nuk kam sigurimin shëndetësor. Isha helmuar dhe u detyrova që të shtrihem në Klinikën Infektive ku pagova për trajtimin mjekësor”, thotë një mjeke specializante në Klinikën e Kardiologjisë.

“Ne, mjeket specialiste të gjinisë femërore jemi më së shumti të diskriminuara pasi në rast të pushimit të lehonisë, neve na ndërpritet edhe ajo pagë që merrnim. Mendoj se kjo nuk ndodh në asnjë shtet, që të mos paguhet pushimi i lindjes”, thotë një tjetër mjeke specializante.

Nga Ministria e Shëndetësisë e Maqedonisë së Veriut thanë se kërkesat e tyre do të shqyrtohen në mbledhjen e Qeverisë dhe zgjidhje mund të pritet pas përfundimit të zgjedhjeve. Megjithatë, nga kjo ministri kanë hedhur dyshime se protesta mund të jetë e nxitur për qëllime politike, tani në kohën kur vendi ndodhet në fushatë zgjedhore.

“Sigurisht që kjo protestë nuk është e nxitur, thjesht, nga dëshira për të përmirësuar statusin e tyre social. Kjo ka edhe prapavijë politike. Pse pikërisht tani iniciohen kërkesat e tyre? Kjo është indikative pasi duhet të kenë durim meqë pas zgjedhjeve do të angazhohem që të ketë rishikim të buxhetit që të mund të plotësohet kërkesa e tyre”, tha ministri i Shëndetësisë, Ilir Demiri.

Por, mjekët protestues hedhin poshtë pretendimet e tilla duke sqaruar se shprehja e pakënaqësisë së tyre është e hershme dhe jo tani në fushatën elektorale.

“Unë personalisht nuk kam librezë partiake, e vetmja librezë që kam është ajo e dhurimit të gjakut, në të cilin shkruan se jam zero pozitiv”, thotë Kristina Iliovska, mjeke.

Protesta e mjekëve ka shkaktuar kaos në klinikat e Shkupit pasi qytetarët duhet të presin me orë të tëra për shërbimet mjekësore.

“Në klinika ka pacientë që presin në radhë. Në Onkologji është tmerr pasi ka njerëz që me orë të tëra presin për një shërbim kimioterapie. Thonë se nuk ka personel mjekësor ndërkohë që kemi mjekë që protestojnë pasi nuk pranohen në punë. Kjo është absurde. Si të rrinë këta mjekë në këtë shtet… andaj të gjithë po ikin nga ky vend”, thotë një qytetare nga Shkupi.

Pakënaqësi për gjendjen në shëndetësi ka pasur edhe në muajin shkurt kur Sindikata e pavarur e punëtorëve shëndetësorë u kërcënua me protesta nëse institucionet nuk e plotësojnë kërkesën për rritje pagash, por edhe për punësime të reja.

Në Maqedoninë e Veriut në sektorin e shëndetësisë janë të punësuar rreth 25.000 persona; mjekë, specialistë, infermierë, laborantë, shërbyes, shoferë, e personel tjetër.

Pagat e mjekëve sillet varësisht pozicionit dhe përgatitjes profesionale; 600 euro marrin mjekët fillestarë, ndërsa mjekët specialistë rreth 730 euro./REL

TË FUNDIT
6 orë
Arben Taravari: Ta mbështesim fuqishëm Muharrem Salihun për eurodeputet
8 orë
Geer: Qeveria e re ta vazhdojë rrugën europiane të vendit
8 orë
Visar Ademi: Për fat të keq në 20 vitet e kaluara politikanët shqiptarë më tepër kanë shikuar llogaritë e tyre bankare se sa të drejtat tona
9 orë
Ministria e Drejtësisë: Dënojmë gjuhën denigruese të VMRO-së ndaj institucioneve shtetërore
10 orë
Qeveria e re do të shtohet me ministri të reja

ME TE LEXUARA

10 orë
Qeveria e re do të shtohet me ministri të reja
19 orë
Memeti do të tërhiqet nga Këshilli i Prokurorëve, lajmërohet se nuk do shkoj në mbledhje
16 orë
Ahmeti: Nuk ka arsye për të shkarkuar Artan Grubin, Fatmir Besimin e Nazim Bushin nga postet partiake
9 orë
Ministria e Drejtësisë: Dënojmë gjuhën denigruese të VMRO-së ndaj institucioneve shtetërore
18 orë
Kasami: Fronti Evropian të luaj rol konstruktiv në opozitë
16 orë
Ja në cilat komuna të Maqedonisë së Veriut do të ketë zgjedhje të parakohshme komunale
8 orë
Visar Ademi: Për fat të keq në 20 vitet e kaluara politikanët shqiptarë më tepër kanë shikuar llogaritë e tyre bankare se sa të drejtat tona

LEXO MË SHUMË

IMG_2555

Arben Taravari: Ta mbështesim fuqishëm Muharrem Salihun për eurodeputet

dejvid daviv gir geer

Geer: Qeveria e re ta vazhdojë rrugën europiane të vendit

IMG_2550

Visar Ademi: Për fat të keq në 20 vitet e kaluara politikanët shqiptarë më tepër kanë shikuar llogaritë e tyre bankare se sa të drejtat tona

Ministria-e-Drejtesise_1-780x470-1

Ministria e Drejtësisë: Dënojmë gjuhën denigruese të VMRO-së ndaj institucioneve shtetërore

qeveria-750x430

Qeveria e re do të shtohet me ministri të reja

vmro

VMRO-DPMNE: Kacarska ka lënë një faqe të zezë në historinë e Gjykatën Kushtetuese

vlen gashi kasami mexhiti taravari

VLEN do të shndërrohet në një parti politike?! Kush do të jetë kryetar i partisë?

qeveria

Nga sot vijon të rrjedhë afati dhjetëditor për formimin e Qeverisë

fronti evropian vlen

VLEN: BDI të reformohet, e jo të bojkotojë

INFO

NA NDIQ