Moderatorja e njohur shpërthen ndaj lojtarit nga Kosova: Frikacak, bëhu burrë

Erjola Doci njihet për deklaratat e saj të bujshme dhe këtë herë ka “piketuar” futbollostin shqiptar Eros Grezda. Sipas saj, ai i ka shkruar dhe më pas e ka fshirë mesazhin, gjë për të cilën ajo e quan “frikacak”.

“E di si është puna, rezultoi frikacak! Unë isha zgjuar, po i shikoja dhe nuk ia hapa 3-4 orë mesazhin. Dhe i bëri “unsend”!”- tha ajo teksa shtoi: “Bëhu burrë!”

Teksa për jetën private të Erjolës nuk dihet asgjë, futbollisti aludohet prej kohësh se është hedhur në krahët e një modeleje. Kohëve të fundit është përfolur se futbollisti ka nisur një kapitull të ri në jetën e tij me modelen spanjolle.

Modelja Nicole së fundmi ka publikuar një fotografi me futbollistin, duke konfirmuar kështu zërat për një lidhje të mundshme mes tyre.

Nga ana tjetër, futbollisti është shfaqur më i tërhequr nga zhurma mediatike, duke preferuar të mos prononcohet rreth lidhjes me bukuroshen spanjolle. Ai ka qenë në një lidhje me Oriola Marashin nga e cila u nda pas shumë ulje-ngritjesh.