Producentja e Big Brother Vip, Lori Hoxha ka reaguar ndaj deklaratës së gazetares së njohur Sonila Meço të bërë ditën e djeshme teksa i quan banorët e ‘BBV’ kavje laboratorike të cilët lejojnë të përdoren dhe të manipulohen, ndërsa teleshikuesve “kaviet jashtë laboratorit” që presin drejtësi.
Koment ky i bërë nga ajo në profilin e saj zyrtar të Instagramit, tek ‘Close Friend’s ku ka shpërndarë shkrimin e gazetares duke e krahasuar me inatin e një personi ndaj një grupi ‘cool’ të shkollës.
Ka qenë ‘Iconstyle’ që e ka bërë fillimisht publike statusin e Hoxhës.
“E keni parasysh ai grupi “cool” i shkollës që me të mirat apo të këqijat e veta prapë është “cool”. Dhe ti në thelb i ke inat po nëse ata do të ftonin të haje drekën me ta, ti do ti lije shokët e fëmijërisë në baltë vetëm që të uleshe njëherë me ta.”- ka shkruar Lori.
