Kryetari i Partisë Socialdemokrate (PSD), Dardan Molliqaj, ka deklaruar se arrestimi i aktivistes Donjeta Demolli është i papranueshëm.
PSD-ja përmes një aksioni tentoi t’ia ndërpriste fjalën e kryeministrit Albin Kurti gjatë “Ulpiana Forum”, të enjten.
”Pe bon Zajednicën, pe don pushtetin”, ishte parulla.
”Pushtetit i Albin Kurtit, që Kosovës po ia sjell Zajednicën, po i pengon një parullë që e tregon të vërtetën për të. Po i pengon zëri i tij kur dikur e mohonte këtë Zajednicë. Po i pengon vetja kur shihet në pasqyrë”.
“Por Albin Kurti e di më mirë se kushdo: nuk mund të ketë qetësi e normalitet, me Zajednicën që po ia sjell Kosovës. E mbase kjo po i pengon më së shumti. Kërkojmë menjëherë lirimin e aktivistes së PSD-së Donjeta Demolli”, thuhet në reagimin e Molliqajt. /Gazeta Express
