Ministrja e Mbrojtjes e RMV-së, Slavjanka Petrovska në përkujtimin e 22 vjetorit të rënies së dhjetë pjesëtarëve të trupës rezervë të ushtrisë pranë lokacionit Karpalak në magjistralen Shkup-Tetovë tha se heronjtë që dhanë jetën për mbrojtjen e atdheut meritojnë një monument që të respektohen.
“Kanë kaluar 22 vite, por jemi me zemër të rëndë, nga ngjarja tragjike në Karpalak ku humbën jetën dhjetë heronj të forcave të sigurisë. Thirrjes së mëmëdheut iu përgjigjën me vetëmohim dhe kjo nuk do të harrohet kurrë. Respektin dhe ngushëllimet më të thella për familjet e tyre. Djemtë tuaj do t’i kujtojmë përjetë si heronj që dhanë më të shtrenjtën për atdheun”, ka thënë Petrovska.
Ministrja Petrovska theksoi se ata e meritojnë një monument të denjë dhe tha se do t’i dërgojë kërkesë Komunës së Zhelinës për leje për ndërtimin e monumentit, i cili do të financohet dhe zbatohet në tërësi nga Ministria e Mbrojtjes.
Vrasja në Karpalak ndodhi më 8 gusht 2001, kur u sulmua një autokolonë ushtarake që ishte nisur për Tetovë nga kazerma e Prilepit. Në pritën ndaj autokolonës vdiqën 10 pjesëtarë të ekipit rezervë të ARM-së.(INA)
