Sonte fillon llogaritja dimërore e kohës. Akrepat do të kthehen një orë pas, pra në orën 03:00, koha do të kthehet në 02:00.
Ndryshimi i orës në vendet tona bazohet në praktikën vjetore për rregullimin e llogaritjes së kohës dhe ka për qëllim harmonizimin me rregullativat evropiane në këtë fushë.
Llogaritja dimërore e kohës fillon çdo fundjavë të fundit të tetorit dhe zgjat deri në fundjavën e fundit të marsit të vitit të ardhshëm, kur përsëri fillon llogaritja verore e kohës.
Ndryshimi i orës praktikisht do të thotë se sonte do të flemë një orë më shumë, por gjithashtu sjell ndryshime afatgjata: do të zbardhet më herët, por edhe do të errësohet më herët.
Përveç te ne, llogaritja dimërore e kohës zbatohet edhe në pjesën më të madhe të shteteve të kontinentit evropian, përveç Islandës, Rusisë dhe Bjellorusisë. Parlamenti Evropian më 4 mars 2019 votoi për heqjen e ndryshimit sezonal të orës që nga viti 2021, por Këshilli i BE-së ende nuk ka marrë një vendim përfundimtar.
Ndryshimi sezonal i orës, përveç në Evropë, zbatohet edhe në shumicën e vendeve të Amerikës së Veriut dhe Qendrore, si dhe në disa shtete të tjera në botë. Ora nuk ndryshohet në Japoni, Kinë, Korenë e Jugut dhe as në vendet e kontinentit afrikan.(INA)
