Mos u bini pre, po dërgohen mesazhe false në emër të drejtorit të policisë së Maqedonisë

Iliria News Agency
Iliria News Agency

05/04/2023

Ministria e Punëve të Brendshme në Maqedoninë e Veriut paralajmëron qytetarët se në emër të drejtorit të Byrosë për Siguri Publike, Sasho Tasevski, dërgohen mesazhe të rreme dhe një lidhje e rreme në emër të Drejtorisë së të Hyrave Publike, përcjell INA.

“Këto ditë MPB ka marrë njoftime nga qytetarët për një mesazh elektronik të pranuar kinse në emër të drejtorit të Byrosë për Siguri Publike, Sašo Tasevski, kinse në bashkëpunim me Europolin, në të cilin, në formë të një lloji kërkese për sqarim gjyqësor, njoftohet marrësi i mesazhit se është objekt i procedimit të dyshuar ligjor për një sërë krimesh fiktive, të cilat nuk i ka kryer. Duke vepruar kështu, marrësi i mesazhit ftohet të kontaktojë dërguesin me një lloj shpjegimi për aktet e supozuara.

MPB bën me dije qytetarët se bëhet fjalë për një mesazh të rremë që nuk është dërguar nga MPB dhe as nga asnjë institucion ligjzbatues. Këto e-mail janë një përpjekje klasike për mashtrim, në të cilën qëllimi i mashtruesve është të marrin të dhënat personale të dërguesit për abuzim të mëtejshëm.

Prandaj apelojmë për vëmendje të veçantë, që të mos hapen këto mesazhe, e aq më pak të kontaktohet dërguesi përmes linkut të dhënë dhe të shpërndahen të dhënat personale që do të kërkohen”, thonë nga MPB.

Ata gjithashtu paralajmërojnë kundër hapjes së lidhjeve dhe skedarëve të bashkangjitur në mesazhet e-mail nga dërgues të panjohur, në mënyrë që të mbrojnë sistemin tuaj kompjuterik nga viruset.

Tentativat e tilla për mashtrim, sipas MPB-së, janë të karakterit ndërkombëtar, duke qenë se në të kaluarën mesazhe elektronike me përmbajtje të ngjashme dërgoheshin edhe për qytetarët në vendet e rajonit.(INA)

TË FUNDIT

ME TE LEXUARA

LEXO MË SHUMË

deklarata vlen opozita shqiptare

Mësoher bartësi i listës për deputetë të VLEN në njësinë 5 zgjedhore?!

Arsim2

Osmani: Mendoj që kjo do të jetë një ndër fitoret më të mëdha që kemi pasur si bllok

patarina pike pagese

Rustemi: Pagesa elektronike të taksës rrugore edhe në Korridorin 8

Jovan Mitrevski

Mitrevski: Deri më 28 Maj duhet të thirret seanca konstituive për përbërjen e re Parlamentare

Manastiri Banjskes zvecan

“Varrezat dhe Manastirët magazina ushtarake serbe”/ Ish-agjenti i SHIK-ut tregon detaje

denar

Paga mesatare në AEK në Maqedoni mbi 1000 euro

Fatmir-Bytyqi

7 orë punë në ditë në disa sektorë nga 2025 në Maqedoni, Bytyqi bën premtimin

Kuvendi Parlamenti maqedonise

Kuvendi me 78 ,,PRO” miratoi Propozim Ligjin për ndryshimin dhe plotësimin e Ligjit për ekzekutimin e sanksioneve

arben taravari ekipi

Taravari prezantoi pjesën tjetër të kabinetit presidencial: Janë njerëz me të cilët do t’i qojmë para idealet e VLEN-it

INFO

NA NDIQ