Reshjet e mbrëmshme të shiut kanë dëmtuar të mbjellat në Hasanbeg, Haraçinë dhe Stajkovc. Banorët thonë se nuk e kanë në plan të kërkojnë dëmshpërblim, pasi akoma nuk i kanë marrë mjetet nga dëmet e vitit të kaluar.
“Në prapavijë ende qëndron uji dhe pasojat e ditës së djeshme nga shiu dhe breshëri i rrëmbyeshëm që e kaploi Shkupin e sidomos pjesën e Stajkovcit, Hasanbegut, Haracinës dhe një pjesë të Kumanovës. Atë që druajnë banorët e këtij vendi është që të mos përsëritët ajo e cila ndodhi para nëntë
viteve këtu”, raporton Avni Tahiri – Gazetar.
Shiu i rrëmbyeshëm dhe breshëri i djeshëm, edhe pse nuk ishte i përmasave të mëdha përsëri shkaktoi dëme në të mbjellat bujqësore, ndërsa sipas banorëve, nga që ende nuk kanë marrë dëmshpërblimet e viteve të kaluara, këtë vit as nuk do t’i paraqesin dëmet.
“Kishte shi, ere dhe breshër, ka mjaftë dëme në shalqinjtë, pjeprat dhe plastiken e serave. Nuk kishte por për përsëri kishte dëme sidomos në grurin. Atë që më shumë keni frikë është që të mos përsëritët ajo para 9 viteve?! Po ajo është fuqi e Zotit, por dëme ka”, tha Pece Cvetkovski, bujk.
“Si është bujqësia këtu? Është shkatërruar, kishte mjaftë breshër”, tha një banore e Stakjovcit.
Në rrjetet sociale, disa bujq kanë shpërndarë edhe video të dëmeve në të mbjella.
Një vit më herët, banorët e këtij rajoni po ashtu u përballën me humbje të mëdha në të mbjella pas shiut dhe breshëri të rrëmbyeshëm. Pas dëmeve të shkaktuara në të mbjella, bujqit paraqiten rastet në komunë ndërsa edhe më tej presin që të marrin kompensimet e dëmeve të vitit të kaluar. /Alsat.mk
