Shqipëri
Në Shqipëri moti edhe këtë të hënë do të jetë në ndikimin e kushteve atmosferike të qëndrueshme.
Sipas Shërbimit Meteorologjik Ushtarak moti parashikohet i kthjellët në të gjithë territorin pa përjashtuar kalime të pakta të vranësirave në relievet malore në orët e mesditës. Temperaturat maksimale do të arrijnë deri në 35 gradë celcius.
Era do të fryjë me drejtim verilindje – veriperëndim me shpejtësi mesatare 8 m/s, në lugina dhe bregdet hera-herës fiton shpejtësi deri në 14m/s. Valëzimi në det do të jetë i forcës 1- 3 ballë.
Kosovë
Sot në Kosovë do të mbajë mot me diell dhe vranësira të pakta.
Sipas Institutit Hidrometeorologjik të Kosovës (IHMK) temperaturat minimale do të lëvizin ndërmjet 10-12 gradë Celsius, ndërsa maksimalet e ditës parashihen të lëvizin ndërmjet 26-29 gradë Celsius.
Sipas IHMK-së do të fryjë erë nga drejtimi i verilindjes me shpejtësi 1-5m/s.
Maqedoninë e Veriut
Sot në gjithë territorin e vendit pritet mot me diell dhe i ngrohtë, me pak vranësira lokale. Do të fryjë erë e lehtë deri mesatare nga drejtimi i veriut, e cila do të sjellë një ndjesi freskie, veçanërisht në orët e mëngjesit dhe të mbrëmjes.
Edhe në Shkup, moti do të jetë i kthjellët dhe i ngrohtë, me pak vranësira dhe erë të lehtë deri mesatare nga veriu.
Temperaturat maksimale ditore në vend do të lëvizin nga 24 deri në 34 gradë Celsius, varësisht nga zona. Temperaturat më të larta priten në rajonet juglindore të vendit.(INA)
