Moti në Shqipëri
Vendi ynë gjatë paradites do të jetë nën ndikimin e kthjellimeve në pothuajse të gjithë territorin, por herë pas here do të ketë kalime të lehta të vranësirave të cilat më të theksuara pritet të jenë në zonat veriore. Ndërsa orët vijuese i bëjnë gradualisht vranësirat më të dukshme në vend, ku më të fokusuara mbeten në zonat malore. Pjesërisht vija bregdetare edhe gjatë pasdites dhe mbrëmjes do të jetë nën mbizotërimin e motit të kthjellët, ku më prezente kthjellimet do të jenë në zonat Jugperëndimore të Shqipërisë.
Moti në Maqedoninë e Veriut
Moti sot do të jetë i freskët, ndërsa gjatë ditës me diell me vranësira të vogla lokale.
Do të fryjë erë e dobët deri mesatare nga drejtimi verilindor, e cila herë pas here do të intensifikohet në pjesët verilindore.
Temperatura minimale do të jetë në intervalin prej 5 deri në 16, ndërsa maksimalja do të arrijë nga 27 deri në 34 gradë, njofton Enti Hidrometeorologjik.
Në Shkup me diell me erë të dobët deri mesatare nga veriu. Temperatura minimale do të zbresë deri në 12, ndërsa ajo maksimale do të arrijë deri në 32 gradë.
Vazhdon periudha e motit të qëndrueshëm dhe të ngrohtë me mëngjese të freskëta dhe me vranësira të ulëta deri në mesatare gjatë ditës.
Moti në Kosovë
Mot kryesisht me diell do të mbajë të dielën në Kosovë.
Instituti Hidrometeorologjik i Kosovës ka njoftuar se vranësira të pakta mund të shfaqen rreth relievit malor.
Temperaturat minimale do të lëvizin ndërmjet 10-13 gradë celsius, ndërsa maksimalet e ditës parashihen të lëvizin ndërmjet 26-29-gradë celsius.