Moti sot në Maqedoninë e Veriut do të jetë me diell dhe i ngrohtë. Në shumë vende do të fryjë erë e fortë nga drejtimi jugor me shpejtësi mbi 60 kilometra në orë. Në orët e natës në drejtim të së dielës do të ketë destabilizim të përkohshëm me reshje të rrëmbyeshme lokale dhe bubullima të rralla, njoftojnë nga Enti Hidrometeorologjik.
Temperatura minimale do të jetë në intervalin prej 7 deri në 17, ndërsa ajo maksimale do të arrijë nga 24 deri në 29 gradë Celsius.
Në Shkup me diell me vranësira të vogla deri mesatare. Do të fryjë erë mesatare deri e fortë nga drejtimi juglindor. Temperatura minimale ka zbritur deri në 12, ndërsa ajo maksimale do të arrijë në 27 gradë Celsius.
Moti i qëndrueshëm dhe relativisht i ngrohtë do të qëndrojë deri në mesin e javës së ardhshme. (INA)
