Moti sot do të jetë pjesërisht i vranët, në lugina me mjegull dhe vranësira të ulëta. Në pjesët jugore do të ketë kushte për reshje të dobëta lokale shiu. Do të fryjë erë e lehtë deri mesatare nga jugu.
Temperatura minimale do të jetë në interval prej 1 deri në 5, ndërsa maksimalja do të arrijë nga 7 deri në 14 gradë.
Në Shkup do të mbajë mot me vranësira të pjesshme, ndërsa paradite me mjegull. Do të fryjë erë e lehtë deri mesatare nga jugu. Temperatura minimale do të zbresë deri në 2, ndërsa ajo maksimale do të arrijë në 9 gradë.
Në ditët në vijim do të mbizotërojë mot i ndryshueshëm me vranësira. Në lugina do të ketë mjegull ose vranësira të ulëta dhe ulje të temperaturës ditore. Të martën do të ketë reshje të herëpashershme shiu, ndërsa në male me borë të dobët, sidomos pasdite dhe mbrëmje.
