Shqipëri
Këtë të diel, vendi ynë do të ndikohet nga kushte atmosferike të paqëndrueshme me mbizotërim të motit të vranët dhe me reshje shiu.
Reshjet do të vijojnë të jenë të herëpasherëshme në formën e shtrëngatave afatshkurta lokale deri në orët e vona të mbrëmjes, kryesisht të përqëndruara në pjesën lindore të vendit.
Në Alpe dhe relievet malore në veri-verilindje-juglindje të vendit parashikohen reshje dëbore me intensitet të ulët dhe lokalisht deri mesatar në lartësinë mbi 600-800metër.
Era do të fryjë nga kuadrat i veriut me shpejtësi mesatare 3-12m/s, ndërsa në lugina, në relievet e larta malore dhe përgjatë vijës bregdetare hera-herës arrin shpejtësi 13-22m/s, shoqëruar me valëzimin në dete të forcës 3-4ballë.
Kosovë
Ditën e diel mbi Kosovë do të mbajë mot kryesisht i vranët.
Instituti Hidrometeorologjik i Kosovës, njofton se do të ketë reshje shiu dhe bore.
Sipas IHMK-së, në do të ketë rritje minimale të vlerave ekstreme.
Minimalet do të lëvizin ndërmjet 0 deri në 2 gradë Celsius, ndërsa maksimalet e ditës parashihen të lëvizin ndërmjet 3 dhe 5 gradë Celsius.
Do të fryjë erë kryesisht nga verilindja me shpejtësi 1 deri në 7 metër për sekond.
Maqedoni e Veriut
Moti sot do të jetë me vranësira, me reshje të kohëpaskohshme shiu dhe bore, sidomos në pjesët perëndimore dhe jugore më të bollshme (mbi 30 l/m2).
Në zonat malore dhe më të larta, kryesisht në pjesët perëndimore, reshjet do të jenë bore. Do të fryjë erë mesatare, herë pas here e fortë nga veriu përgjatë rrjedhës së Vardarit.
Në Shkup do të mbajë mot i vranët me reshje shiu herë pas here më të bollshme, ndërsa në pjesët më të larta të luginës reshjet do të jenë me shi dhe borë. Do të fryjë erë mesatare, herë pas here e fortë nga veriu në pjesë të luginës.
