Dy të burgosur nga burgu “Idrizovës” kanë kërkuar trajtim spitalor pas ndërhyrjes dhe kontrolleve të detajuara të njësitve speciale të MPB-së.
Siç mëson Makfax, dy të burgosurit janë ankuar për lëndime dhe janë dërguar me autoambulancë në spital mëngjesin e sotëm. Pas mjekimit nga mjekët kujdestar në Qendrën Klinike, ata janë kthyer në burg.
Sipas burimeve të “Makfax” nga burgu, dy të burgosurit që kishin nevojë për trajtim spitalor deri dje pasdite ishin vendosur në pjesën gjysmë të hapur të burgut, pra në pjesën e sapondërtuar. Pas kontrolleve dhe për shkak të sjelljes së tyre, ata janë transferuar në pjesën e mbyllur të burgut.
MPB nuk ka dhënë detaje për kontrollin e kryer nga njësitet speciale, megjithëse ato përfunduan mbrëmjen e djeshme. Ato janë bërë nga policia e burgjeve, me asistencën e Ministrisë së Brendshme.
Më parë, specialistët kanë bllokuar të gjitha hyrje-daljet nga reparti, si dhe janë vendosur bllokues sinjalesh. Ky veprim vjen pasi katër punonjësve iu dogjën makina brenda gjashtë muajve. Ndër rastet e fundit ishte djegia e veturës së zëvendësdrejtorit të “Idrizovës”. (INA)
