MPB arrestoi personin që kërcënoi Jovevskin

Iliria News Agency
Iliria News Agency

02/02/2022

Në Manastir është arrestuar personi që para dhjetë ditësh i dërgoi letër kërcënuese Prokurorit Publik të Republikës së Maqedonisë së Veriut, Ljubomir Jovevski, mëson “Slloboden Peçat”, transmeton Portalb.mk.

“Vetëm presim atë momentin e duhur për t’jua marrë jetën. Veproni menjëherë nëse dëshironi të qëndroni gjallë. Ne jemi organizatë terroriste që lufton dhe vret për padrejtësi dhe jemi gjithashtu të gatshëm të vdesim për të”. Kjo është vetëm një pjesë e letrës me kërcënime me jetë të cilën e ka pranuar më 17 janar prokurori publik Joveski. Letra e dërguar nga Posta në Manastir, kërkon lirimin e dy gazetarëve të TV ALFA, Goran Momirovski dhe Dragan Milosavleviq.

Dërguesi u prezantua si organizatë terroriste, e cila ka mbështetje astronomike në të gjithë vendin dhe që do të luftojë dhe mbrojë deri në pikën e fundit gazetarët që përfaqësojnë zërin e popullit.

Prokurori Lubomir Joveski, nga ana tjetër, deklaroi se asnjë kërcënim, përfshirë edhe ky, për jetën, nuk do ta pengojë të punojë profesionalisht dhe me përgjegjësi në zbatimin e ligjeve. Letra, në gjuhën angleze dhe maqedonase, tashmë është dërguar në MPB, ku shqyrtohet përmbajtja dhe personi që ka dërguar dërgesën.

Ndryshe, procedura që është zhvilluar për dy gazetarët është ndërprerë në dhjetor të vitit të kaluar, pasi është konstatuar se nuk ka vend për ndjekje nga ana e Prokurorit Publik.

“Dërgesa me kërcënim është shkruar në gjuhën maqedonase dhe angleze. Kërcënimi ka të bëjë me një lëndë konkrete, për të cilën, procedura është mbyllur dhe miratuar rezolutë me të cilën është ndaluar procedura pasi që është konstatuar se nuk ka vend për veprim prokurorial. Kërcënimi, ashtu siç theksohet në letër, është nga një organizatë terroriste, e cila lufton dhe vret për padrejtësi dhe anëtarët e saj janë të gatshëm të vdesin për qëllimet e organizatës”, thuhej në njoftimin e Prokurorisë.

TË FUNDIT

ME TE LEXUARA

LEXO MË SHUMË

izet mexhiti

Mexhiti: Paska folë prap makineria propaganduese e Gebelsit të BDI-së!

vlen llogo

VLEN: Pacienti dhe Fronti i listës së zezë, shkaktarët e rënies së besimit në gjyqësor dhe prokurori

Kacarska-780x439-1-1

Kacarska: Gjykata Kushtetuese mund të vendosë për kushtetutshmërinë e Kodit Zgjedhor

bujar osmani

Osmani: Brenda 48 orëve mund të shpërthejë konflikt në Lindjen e Mesme

mpj22-696x385

MPJ apelon që të shmangen udhëtimet në Izrael dhe rajon

BDI selia

BDI: Korrupsioni ka emër, Izet Mexhiti dhe komuna e Çairit

bdi-ali-ahmeti-cair

BDI më e pasura, me më shumë para se partitë tjera

mexhiti izet

VLEN: Ndryshimet kushtetuese, kusht për koalicion me VMRO-DPMNE-në

KSHZ-Komisioni

Këto janë numrat e listave për deputetë që mund të votoni më 8 maj

INFO

NA NDIQ