Ministria e Punëve të Brendshme (MPB) në Maqedoninë e Veriut do të blejë 20 furgona intervenimi, të njohur në popull si “marica”.
Të dhënat zyrtare në faqen e Byrosë së Prokurimit Publik tregojnë se Ministria e Brendshme do të blejë 20 furgona të markës Renault, të cilat do të përdoren për ndalimin me forcë të të dyshuarve problematikë apo huliganëve që cenojnë rendin dhe qetësinë publike dhe ofrojnë rezistencë, shkruan portali Faktor.
Një furgon ka cmimin prej 35.500 euro pa TVSH, ndërsa për 20 furgonët duhet paguar mbi 815 mijë euro.
Këtij tenderi iu përgjigjën tri kompani ofertuese, ku vlera e planifikuar e blerjes ishte 1.24 milionë euro me TVSH. Vlera e blerjes është 44 për qind më e ulët se vlera e planifikuar e blerjes. Përveç “Automotive Group”, për tender kanë aplikuar edhe “Dileri im” dhe “Euroimpex” SH.PK. (INA)
