Sot ministri i Punëve të Brendshme, Oliver Spasovski dhe kryetari i Komisionit për Parandalimin dhe Mbrojtjen nga Diskriminimi, Kire Vasillev e nënshkruan Memorandumin për bashkëpunim ndërmjet dy institucioneve, qëllimi primar i të cilit është vendosja dhe rregullimi i bashkëpunimit ndërmjet dy institucioneve në drejtim të sigurimit të plotë të Komisionit për Parandalimin dhe Mbrojtjen nga Diskriminimi në respektimin e të drejtave të qytetarëve, përmes sigurimit e të dhënave të nevojshme të cilat i përpunon dhe i ka në dispozicion Ministria e Punëve të Brendshme.
Ky dokument për bashkëpunim të ndërsjellë ndërmjet dy institucioneve, MPB-së dhe KPMB-së, paraqet kornizë në kuadër të së cilës do të zhvillohet partenriteti i ndërsjellë në më shumë segmente, para së gjithash në shkëmbimin sa më cilësorë dhe më efikas të informatave, eksperiencave, diturive dhe trajnimeve, si dhe në realizimin e llojeve të tjera të bashkëpunimit në pajtim me kompetencat ligjore të përcaktuara të të dy institucioneve.
Në kuptimin operativ, përveç konkretizimit të shkëmbimit të informatave dhe të të dhënave, me Memorandum për bashkëpunim janë paraparë një mori forma të ndryshme të veprimit të përbashkët-si pjesëmarrje në takime të përbashkëta, grupe pune, ligjerata, diskutime, punëtori, trajnime, tryeza të rrumbullakëta, konferenca, si dhe përgatitje të përbashkëta të raporteve, të analizave dhe forma tjera të bashkëpunimit, me të vetmin qëllim funksionim cilësor të Komisionit në pjesën e kompetencave ku është i nevojshëm participimi i MPB-së.
