Ministria e Punëve të Brendshme gjatë ditës së djeshme (13.02.2022) vazhdoi me kontrollimet e përforcuara në trafik.
Vetëm në territorin e qytetit të Shkupit janë shqiptuar gjithsej 238 sanksione, prej të cilave gjashtëdhjetë e dy sanksione për tejkalim të shpejtësisë së lejuar, dyzet e tri sanksione për drejtimin e automjetit nën ndikimin e alkoolit, njëzet e katër kundërvajtje për këmbësorët.
Poashtu janë shqiptuar edhe njëzet e gjashtë gjoba për drejtimin e automjetit pa patentë shofer, dhjetë sanksione për mospërdorimin e rripit të sigurisë, shtatë gjoba për mosdhënie të përparësisë së kalimit këmbësorëve, katër sanksione për kalim në semafor të mbyllur (ngjyrë e kuqe) dhe tri kundërvajtje për motoçiklistët.
Kontrollimet e përforcuara në trafik do të vazhdojnë edhe në ditët në vijim. Nga Ministria për Punë të Brendshme apelojnë deri te qytetarët t’u përmbahen rregullave dhe rregulloreve të trafikut me qëllim të rritjes së sigurisë në rrugë./KlanMacedonia/
