Sektori për Punë të Brendshme në Tetovë ka përgatitur dhe deri tek Gjykata Themelore Tetovë ka parashtruar kërkesë për ngritjen e procedurës kundërvajtëse ndaj 44-vjeçarin D.K. nga Tudenca e Tetovës, kryetar aktual aktual i Komunës së Jegunovcës, informuan sot nga MPB-ja.
“Sipas denoncimit, më 5 janar të këtij viti, rreth orës 11:30, në Arkivin e objektit të komunës, fillimisht D.K. ka pasur një debat verbal me M.M. (69) nga Shkupi, drejtues i një kompanie private, ia ka marrë, ia ka ndrydhur dhe ia ka hedhur dokumentet në njërën nga tavolinat dhe e ka shtyrë nga hapësira. M.M. paraprakisht është thirrur nga një zyrtar i komunës për të dorëzuar fatura për shërbimet e kryera më parë për komunën”, theksohet në kumtesën e MPB-së.
Sektori për Punë të Brendshme në Tetovë ka përgatitur dhe në Gjykatën Themelore Tetovë edhe kërkesë për inicimin e procedurës kundërvajtëse për M.M. (69) nga Shkupi i cili sipas raportit ka ofenduar dhe kërcënuar D.K. (44), pasi ai hodhi dokumentet dhe e nxori jashtë arkivit komunal.