Mposhtin koronavirusin çifti i martuar për më gjatë se 60 vite

0

Dy banorë të Britanisë së Madhe, të martuar bashkë për më shumë se 60 vite, mposhtën koronavirusin.

Gillian England 88 vjeçare, dhe burri i saj 91 vjeçar Micheal, kaluan tre javë duke u trajtuar në qendrën spitalore ‘Leicester Royal Infirmary’, transmeton lajmi.net.

Pas tre javësh, ata janë liruar nga spitali. Mediumet britanike bëjnë me dije se çifti britanik do të vazhdojë trajtimin nga shtëpia.

Stafi i spitalit iu dha një lamtumirë të ngrohtë, duke u rreshtuar të gjithë në korridorin që çonte për tek dalja e spitalit.

Të moshuarit si dhe familja e tyre, falenderuan stafin e Shërbimit Kombëtar, për punën dhe kujdesjen e tyre të palodhshme. /Lajmi.net/