Forumi Rinor i Aleancës për Shqiptarët(ASH) në Tetovë mbajti Kuvendin e tretë ku për kryetar të saj në Tetovë zgjodhi Muhamed Lalën.
Punimet e Kuvendit i përshëndeti kryetari i degës së ASH-së në Tetovë, Flakron Bexheti i cili elaboroi procesin disa javor të riorganizimit që sipas tij “kulminoi me rritje drastike të numrit të anëtarëve të rinj që pasqyron interesimin e shtuar të të rinjëve për tu aktivizuar në Aleancën për Shqiptarët si shpresë e vetme për tetovarët dhe shqiptarët në përgjithësi.”
Të pranishëm ishin edhe kryetari i ASH-së, Arben Taravari, kryetari i Kuvendit Ziadin Sela dhe anëtarë të kryesisë.(INA)
