Kandidati për eurodeputet, Muharrem Saliu ka zhvilluar disa takime me mërgimtarët shqiptarë, në kuadër të fushatës për euro deputet.
“Takim shumë prekës në Conegliano, ku Muhameri nga Haracina më dorëzoi flamurin kombëtar dhe solli përshëndetje nga gjithë viset shqiptare. Respektuam himnin kombëtar të gjithë në këmbë, por dhe himnin e Mamelit, që djem të rinj, lindur në Itali, e kënduan me zë.
Më pas Hoxha Avni Nurcevski, i qendrës Emanet e quajti të sigurt “fitoren e kupës” nga ana ime, ndërkohë i riu Fetah Sulejmani e quajti si dritë mundësinë e përfaqësimit të shqiptarëve në BE nga ana ime. Surprizë ishte ardhja e Gianni De Biasi-t, ish trajnerit të Kombëtares shqiptare, banor i zonës, që tha se unë e solla në Europian Shqipërinë ku bashkoheshin shumë djem nga krejt viset shqiptare! Besoj shumë se dhe Marco do të prezantojë me sukses shqiptarët në Parlamentin Europian! Mjaft të rrini bashkuar sipas porosisë së Skënderbeut!”, ka shkruar Saliu. (INA)
