Mungesa e masave çrregullon çmimin e bukës

Iliria News Agency
Iliria News Agency

04/03/2023

Vendimi i Qeverisë maqedonase për të kufizuar çmimin e bukës në 33 denarë (0.50 euro) nga rreth 1 euro, sa ishte deri më tani, dhe vendimi i kompanive të bukës për të ndërprerë prodhimin, në shenjë pakënaqësie ndaj vendimit të Qeverisë, ka shtuar debatin rreth kaosit të çmimeve të prodhimeve ushqimore.

“Qeveria nuk duhet të heqë dorë nga vendimi, por përkundrazi, të marrë masa ndaj kompanive që refuzojnë të prodhojnë bukë”, ka deklaruar, Branimir Jovanoviq nga Instituti i Vjenës për Studime Ekonomike Ndërkombëtare.

“Ata nuk do të punojnë me humbje, vetëm fitimi i tyre tani do të ulet pak. Fajin në këtë situatë e kanë tërësisht furrtarët. Ata vendosën të linin të gjithë vendin pa bukë në mënyrë të pajustifikueshme, dhe për këtë arsye duhet t’i kërkojnë falje publikut”, ka deklaruar Jovanoviq.

Ai thotë se “Qeveria ka mekanizma për t’i detyruar kompanitë që të prodhojnë bukë, sepse është interes publik dhe interesi publik është mbi atë privat”.

Kompanitë e bukës, kryesisht katër më të mëdhatë, kanë thënë se vendimi i tyre për të mos prodhuar bukë, do të vlejë aq sa edhe vendimi i Qeverisë për kufizimin e çmimit të bukës, pra deri më 31 maj.

Inspektorët e tregut kanë bërë kontrolle në terren nëse shitësit po respektojnë vendimin e ekzekutivit, por ata ligjërisht nuk mund të marrin masa për kompanitë që nuk prodhojnë.

Kjo çështje duhet të shqyrtohet nga Ministria e Ekonomisë, respektivisht Komisioni për Mbrojtjen e Konkurrencës, i cili mund të stimulojë kompanitë tjera që të furnizojnë dyqanet më të mëdha, por edhe institucionet shtetërore.

“Ne, si Ministri e Ekonomisë dhe Qeveri, kemi mekanizma që të nxjerrim konkluzione për institucionet tjera, se si të veprojnë. Komisioni për Mbrojtjen e Konkurrencës dhe Inspektorati Shtetëror i Tregut, do të veprojnë në përputhje me Ligjin për Tregtinë dhe Ligjin për Mbrojtjen e Konsumatorit”, ka deklaruar ministri i Ekonomisë, Kreshnik Bekteshi.

Por, nga Komisioni për Mbrojtjen e Konkurrencës, kanë thënë se vendimi i kompanive “nuk reflektohet në tregtinë e përgjithshme, pasi ka shumë furra tjera që merren me prodhimin e bukës”.

Abil Baush, njohës i çështjeve të ekonomisë, thotë se mungesa e një kontrolli mbi çmimet e prodhimeve, është pasojë e mungesës së strategjisë të qartë ekonomike për punën e kompanive.

“Nëse punohet në mënyrë konstante dhe strategjike, nëse investohet në kapacitetet ndërtuese të shtetit, atëherë do të kishim një ekonomi të hapur, e cila do të ishte konkurruese edhe për tregjet e jashtme. Nga kjo përfitime do të kenë edhe qytetarët, jo vetëm për nga kualiteti i prodhimeve, por edhe për nga çmimet e pranueshme dhe konkurruese në vendin tonë”, thotë Baush.

Ai e vlerëson si shumë të gabuar politikën e subvencioneve, e cila, sipas tij, i ka bërë shumë kompani sterile dhe të paafta të përballen me ritmin e ekonomisë, në kohën e krizës së madhe ekonomike botërore.rel

TË FUNDIT

ME TE LEXUARA

LEXO MË SHUMË

439282612_313859628404438_3963619242561836760_n-780x470

Bujar Osmani shpalli fitoren ndaj Taravarit

bujar osmani arben taravari

Numërohen 50 përqind e votave, ky është dallimi në vota mes Osmanit dhe Taravarit

Screenshot_2024-04-24-20-41-33-817_com.android.chrome-edit

Rezultatet e para nga KSHZ

Zgjedhje votime vota Maqedoni

Përfundon votimi për rrethin e parë të zgjedhjeve presidenciale

arben taravari

Taravari: Jemi të lumtur se e kemi fituar votën e shqiptarëve

Screenshot_2024-04-24-17-56-51-194_com.android.chrome-edit

Ja në sa ora do të shpallen rezultatet e para nga KSHZ

Screenshot_2024-04-24-17-56-51-194_com.android.chrome-edit

KSHZ: Deri në ora 17:00, jehona e votuesve është 44.18%

Zgjedhje votime vota Maqedoni

KSHZ: 35.89 % votuan deri në ora 15:00

ambasada

Ambasadat e huaja ndjekin procesin e votimit në Maqedoninë e Veriut

INFO

NA NDIQ