Sekretari Organizativ i Alternativës dhe anëtari i kryesisë VLEN, Bashkim Murtezi në podcastin Fol me Nexhat Aqifin në Tv Festa ka komentuar edhe tentimin e BDI-së për ta përçare VLEN-in.
Ai, midis tjerash ka theksuar se atë frikë dhe përcarje që BDI-ja është munduar ta sjell brenda VLEN-it, sot e ka në oborrin e vet.
“Gjithçka atje ka qenë simbolikë. Gjithçka atje ka qenë populizëm dhe jo politikë reale. Nëse do të flasim për këto tema do të duhet të merremi një nga një. Duke filluar nga çështja e gjuhës zyrtare e pastaj të gjitha çështjet tjera. Andaj po them se kësaj here politika gjegjësisht strategjia e BDI-së dhe e Frontit Evropian për të krijuar një përçarje dhe një shpërbërje të VLEN-it dështoi. Dhe derisa shpresonin që të ndodh kjo brenda VLEN-it tashmë e kanë frikën se çfarë do të ndodh brenda Frontit. Dhe nëse e shihni sot VLEN-i funksionon i unifikuar dhe vazhdon të kryej funksionin e vet për të cilën e ka marr besimin e votuesve shqiptarë në Maqedoninë e Veriut. Derisa brenda Frontit tash e ke debatin shumë të madh, kush mbetet në Front, kush po del prej Frontit, e marrim Taravarin, nuk e marrim Taravarin, po del Sela, nuk po del Sela. Atë frikë dhe atë përçarje që u munduan ta sjellin brenda VLEN-it sot e kanë brenda oborrit të vet”, deklaroi Murtezi.
