Elon Musk tha të mërkurën se gjiganti i automjeteve elektrike Tesla ka gjasa të lansojë teknologjinë e plotë të vetë-drejtimit këtë vit.
“Unë hezitoj ta them këtë, por mendoj se do ta bëjmë këtë vit”, tha CEO i Tesla-s, Musk, duke folur në një konferencë ‘online’.
Miliarderi ka humbur objektivat e tij të mëparshëm për të arritur kapacitetin e teknologjisë së vetëdrejtimit që daton prej vitesh.
Versioni testues i asaj që Tesla e quan softueri “Full Self-Driving” (FSD) do të jetë “dy hapa përpara, një hap prapa midis lansimeve”, tha Musk, “por tendenca është shumë e qartë drejt kapacitetit të drejtimit të plotë, drejt autonomisë së plotë”.
