Julian Nagelsmann flet në një konferencë për median, për ndeshjen e parë çerekfinale të Nations League kundër Italisë.
“Ne menduam se si t’i qasemi këtyre dy ndeshjeve, duam t’i fitojmë të dyja. Ne nuk mund të parashikojmë se çfarë do të nevojitet taktikisht nesër (sot 20:45), duke menduar për ndeshjen e ardhshme”, – tha trajneri i Gjermanisë në një konferencë për shtyp.
“Kam lexuar se Retegui nuk është më i disponueshëm: është diçka që mund të ndryshojë lojën dhe ne duhet të shohim se si do të shkojnë gjërat, se si do të zhvillohet ndeshja”.
Rreth Azzurrëve. “Më duhet të them se ata kanë një trajner të madh, i cili ka një ide shumë bindëse për futbollin: ai bëri shumë mirë me Napolin dhe ata luajnë futboll shumë të mirë.
Është një futboll sulmues, ata kanë lojtarë që ndoshta luajnë më shumë në mbrojtje në klube, por që kontribuojnë në aksionet sulmuese. Më duhet të them se është gjithashtu një ekip që mbron shumë mirë me përvojën e tij të re. Ata shtypin shumë mirë dhe kanë ekuilibër të shkëlqyer”.
