Profesorja e njohur, Mirjana Najçevska foli për qëndrimin e djeshëm të ministrit të Ekonomisë, Kreshnik Bekteshi ndaj gazetarëve. Ajo përmes një postimi në rrjetet sociale kërkoi shkarkimin e tij nga detyra.
“Ky nuk është vetëm një sulm verbal ndaj gazetarit/ve. Kjo është një shkelje flagrante e Konventës për të Drejtat e Njeriut, pra e së drejtës për informim. Ky ministër duhet të shkarkohet menjëherë nga detyra. Siç mund ta shihni, një herë një shkelje e pandëshkuar e kryer nga zyrtarë të lartë të pushtetit dhe liderë partiakë çon në shkelje të reja dhe të reja”, shkruan Najçevska.
Bekteshi dje në një konferencë për media, në vend që të përgjigjet se pse shteti paguan gazin, tha se gazetarët nuk janë këtu për të komentuar.(INA)
