Zëvendësdrejtori i ndërmarrjes “Rrugët Shtetërore”, Nazim Taipi ka vijuar me aktivitetet në terren lidhur me realizimin e projekteve infrastrukturore.
“Punë intenzive dhe jo fjalë, projekte konkrete dhe jo propagandë!”, ka theksuar Nazim Taipi përmes një postimi në rrjetet sociale duke njoftuar me detaje për projektet që janë në realizimin e sipër:
🚧 Po punojmë me projekte konkrete, këtë vit do hyj në përdorim qarkorja Trebosh – Neproshten!
Sot bashkë me inxhinierët e NP Rrugët Shtetërore dhe Mbikëqyrësit inspektuam punimet në qarkoren Trebosh – Neproshten.
Kjo Qarkore me gjatësi prej 5.3 Km do të lehtësojë shumë komunikacionin rrugor, sidomos me ndikim të qartë në Qytetin e Tetovës dhe do të lidh direkt qasjen në Korridorin 8 të shumë vendbanimeve kyçe të Komunës së Zhelinës dhe Tearcës.
Qarkorja me anë të punëve intensive të NP Rrugët Shtetërore do të lëshohet në përdorim gjatë muajit Tetor të këtij viti”, njoftoi zëvendësdrejtori Nazim Taipi që njëherit është edhe nënkryetar i ASH-së të udhëhequr nga Arben Taravari.(INA)
