Dy persona janë ndaluar në lidhje me grabitjen e ndodhur sot në mesditë në një bankë në Shkup, konfirmojnë nga MPB.
Kjo u bë e ditur nga portale maqedonase, duke pritur detaje nga MPB.
Më herët mediat raportuan se tre persona të armatosur kanë hyrë në një bankë në qendër të Shkupit, ku dyshohet se ka pasur të shtëna.
“Me datë 08.03.2022 në ora 12.35 në Stacionin Policor Qendër është raportuar se në një filial banke në zonën e Qendrës, tre persona në kërcënimin me armë kanë marrë para nga punonjësit, pas së cilës njëri prej personave ka qëlluar me një plumb. Nuk ka persona të lënduar. Po ndërmerren masa për zbardhjen e rastit”, njoftoi MPB.(INA)
