Një gjyshe shtatëdhjetë e tre vjeçare nga Shkupi është ndaluar nga policia pasi ka sulmuar me sende të forta bashkëshortin e saj, përcjell INA.
“Me datë 24.09.2023 në ora 13:30 në zonën e Gazi Babës, zyrtarë policorë të stacionit policor Gazi Babë ia kanë hequr lirinë N.S.(73) nga Shkupi, për shkak se ka sulmuar bashkëshortin e saj 74 vjeçar me një send të fortë në shtëpi”, njofton MPB.
Ajo është dërguar në një institucion shëndetësor për trajtim të mëtejshëm. Po merren masa për zbardhjen e rastit. (INA)
