Avioni i parë i Lufthansas nga Frankfurti u ul në Aeroportin Ndërkombëtar të Shkupit.
Për këtë ishte organizuar edhe një ceremoni përurimi nga ana e TAV Macedonia që menaxhon me aeroportin e Shkupit, me rastin e hapjes së linjës së re ajrore Frankfurt – Shkup me kompaninë gjermane “Lufthansa”.
Në Aeroportin Ndërkombëtar të Shkupit, aeroplanin e parë nga Frankfurti e pritën ministri i Transportit dhe Lidhjeve Blagoj Boçvarski, ambasadorja gjermane në vend Petra Drexler, drejtori i përgjithshëm i TAV Macedonia Metin Batak dhe drejtori rajonal i grupit “Lufthansa” Peter Pulem.
Linja e re ajrore nga Shkupi në Frankfurt realizohet me subvencione nga Qeveria. Nga sot Lufthansa do të fluturojë nga Shkupi për në Frankfurt dhjetë herë në javë.
Nëpërmjet Frankfurtit, udhëtarët nga vendi do të kenë mundësinë të lidhen me më shumë se 200 destinacione në disa vende të Evropës dhe botës.(INA)