Në Bruksel u fol dhe për “Ballkanin e Hapur”, Vuçiç sqaron: Nuk kam folur me Putin as ide e Orban për këtë nismë

Presidenti Aleksandër Vuçiç la të kuptojë se në samitin e BE-së dhe Ballkanit Perëndimor, takim i nivelit të lartë mes krerëve të qeverive dhe shteteve të 27 vendeve anëtare me krerët e Ballkanit Perëndimor që prisnin anëtarësimin është folur dhe për “Ballkanin e Hapur”

Aleksandër Vuçiç: Mu desh të them sot se “Ballkani i Hapur” nuk ishte ide e ndonjë tjetri por e jona, e të treve. Në atë kohë nuk ishte Kovaçevski, por Zaev. Ishte ideja jonë. Donim të kujdeseshim për rajonin tonë, të kujdeseshim për fqinjin. Dëgjuam ndërkohë një që thoshte se ishte ide e Orbanit. Ai ishte aty. Nuk e di a I kishte folur ndokush për të. Pastaj dikush tha kjo është ide e Putinit.

“Agresioni rus po merr ndihmë nga një vend i NATO-s”, Rama: Bullgaria po fryn më tej mllefin për të destabilizuar Maqedoninë e Veriut

Unë nuk kam folur kurrë me Putinin për këtë. Pse duhej të flisja me të. Ne e bëmë vetë, nuk kishim nevojë për askënd tjetër. Tre vende ballkanike me përfaqësuesit e tyre që u ulën bashkë të zgjidhnin problemet e tyre. E ndaluar është kjo.”

Krah Ramës dhe Kovaçevskit, Aleksandër Vuçiç e gjeti me vend që të nënvizojë dhe se: “Ata mbrojtën vendin e tyre dhe interesat e tyre kombëtare në mënyrë dinjitoze. Shpresoj që ata të kuptojnë që po them të vërtetën”

Takimi i nivelit të lartë mes krerëve të qeverive dhe shteteve të 27 vendeve anëtare me krerët e Ballkanit Perëndimor që presin anëtarësimin përfundoi të enjten (23.04) në Bruksel pa rezultate konkrete.

Bllokada e çeljes së negociatave me Shqipërinë dhe Maqedoninë e Veriut ende vazhdon. Afrim nuk ka pasur as me Serbinë në lidhje me çështjen e sanksioneve të BE kundër Rusisë. Serbia, vend që ka çelur me negociatat me BE refuzon të vendosë sanksione ndaj Rusisë tradicionalisht mike.