Me marrjen në pyetje të ekspertit Zekiria Zekiri, në Gjykatën Themelore Penale – Shkup, sot vazhdoi gjykimi për aksidentin e autobusit në afërsi të Llaskarcës, në të cilin e humbën jetën 16 persona dhe rreth 30 u lënduan.
Në seancën e sotme, mbrojtësi i të pandehurit të gjashtë ka vazhduar me marrjen në pyetje të ekspertit Zekiri, i cili është pjesë e ekipit që ka përgatitur superekspertiza e makinerisë për rastin.
Superekspertiza e urdhërua nga Gjykata në dhjetor të vitit 2021 është refuzuar nga fakultetet e vendit, me arsyetimin se ekspertët e tyre tashmë kanë marrë pjesë në ekspertizën e mëparshme, ose nuk janë kompetentë për të njëjtën. Pas refuzimit të fakulteteve, rasti u dërgua në Byronë për ekspertiza gjyqësore, i cili ka mundësi të formojë një ekip ekspertësh të licencuar për kryerjen e superekspertizës. Superekspertiza mbërriti më Gjykatën Penale në dhjetor. Më pas ka filluar procesi formal i procesit, pas së cilës ka filluar dëgjimi i ekspertëve që kanë përgatitur superekspertizën dhe kjo akom vazhdon.
Të akuzuar në rastin e aksidentit në afërsi të Llaskarcit, që ndohi më 13 shkurt 2019 janë Durmish Beluli, pronar i kompanisë “Durmo turs”, përgjegjësi për transportin në firmën, Remzi Mustafa dhe shoferi i autobusit, Manoil Trifunovski, të cilët akuzohen për vepra të rënda penale kundër sigurisë së njerëzve dhe pronës në komunikacion. Ndërsa, tre të punësuarit në stacionin për kontroll teknik, Igor Gjorgjievski, Goran Dukovski dhe Janë Bovarski, akuzohen për bashkëpunim në të njëjtin krim.
Procesin gjyqësor për aksidentin që filloi në shtator të vitit 2019 e udhëheq gjyqtarja Diana Gruevska Ilievska, ndërsa, përfaqësues i prokurorisë është prokurori publik, Darko Jakimovski.
