Ditët e fundit në rrjet po aludohet se çifti Luiz dhe Kiara po kalojnë një krizë në marrëdhënien e tyre, kjo për faktin se moderatorja nuk është parë në koncertin e Luizit.
Këngëtari më i kërkuar i momentit, njëherazi edhe fenomeni i Big Brother VIP Albania 2, Luiz Ejlli ka qenë i ftuari special mbrëmë në Kosovë, në qytetin e Gjakovës.
Në pamjet që janë publikuar në rrjetet sociale nga qytetarët që shkuan ta ndiqnin live performancën e tij, u pa se atmosfera ishte e zjarrtë pasi Luizi kishte kënduar edhe disa nga këngët më të famshme shqiptare.
Mirëpo me rastin e këtij koncerti në Gjakovë, fansat kanë vënë re që këngëtari nuk është shoqëruar nga partnerja e tij dhe menjëherë janë hedhur dyshimet për mundësinë e krisjes së marrëdhënies së tyre.Por këto thashetheme janë hedhur poshtë nga një gjest i bukur që këngëtari ka bërë për Kiarën, meqë nuk e kishte pranë.
Ndërsa në Instagramin e tij, Luizi ka postuar një pjesë të performancës së tij, teksa ia dedikon partneres duke shkruar “Kiara ime” shoqëruar me një zemër.
Kështu ai ka hedhur poshtë edhe zërat se në këtë koncert shoqërohej nga Kiara.
