Zëvendëskryeministri për Çështje Evropiane, Bojan Mariçiq së fundi është përgjigjur edhe për përfshirjen e bullgarëve në Kushtetutën e Maqedonisë së Veriut. ai theksoi se nuk është mirë të ofertohet për afatet e kërkesës për përfshirjen e pakicës bullgare në Kushtetutë.
Por sipas tij, për Qeveria është që kjo të bëhet para hyrjes së vendit në Bashkimin Evropian. Mariçiq nënvizoi se jo vetëm bullgarët, por edhe kroatët e malazezët mund të përfshihen në Kushtetutë, përcjell INA.
“Ne si Qeveri vazhdimisht jemi deklaruar publikisht se për shkak të konceptit tonë të Kushtetutës të vendosur në vitin 2001 me Marrëveshjen Kornizë të Ohrit, nuk kemi problem të përfshijmë në Kushtetutën tonë dhe komunitetet tjera që nuk janë përfshirë deri më tani, si p.sh. komunitetet kroate dhe malazeze dhe komuniteti bullgar. Pra, ka një vullnet të qartë politik për këtë. Qëndrimi ynë është se kjo duhet bërë përpara se të anëtarësohemi në BE. Mbetet në periudhën e ardhshme në bisedime dhe dialog të hapur me Bullgarinë për të gjetur një mënyrë, por edhe një afat kohor që do të jetë më i përshtatshëm për këtë”, tha Mariçiç. (INA)
