Instituti për Shëndet Publik (ISHP) njoftoi mëngjesin e sotëm se tek një pacient është zbuluar një substrat i ri i koronavirusit i njohur si “kraken”.
“Në një kampion, nga gjithsej 32, u zbulua nënlinja omikron XBB.1.5 e njohur si Kraken. Pacienti tek i cili është zbuluar nënlinja e re është nga Gjevgjelia dhe mostra është marrë më 11 janar 2023”, tha ISHP, përcjell INA.
ISHP po ashtu ka shtuar se 32 mostra janë pozitive për SARS-CoV-2 dhe mostrat e përzgjedhura ishin të muajve dhjetor 2022 dhe janar 2023.
Kryetari i Komisionit për Sëmundje Infektive, dr. Aleksandar Petlichkovski, në lidhje me llojin kraken tha të enjten se të gjitha të dhënat që kanë deri më tani tregojnë se është sërish një variant që shkakton simptoma të lehta dhe përhapja e tij nuk pritet të rëndojë në mënyrë drastike sistemin shëndetësor. Ai pohon se nuk ka vend për shqetësim tek qytetarët.
Sipas doktor Petliçkovskit, gjendja epidemiologjike në vend është stabile, ndërsa sezoni i gripit ka filluar para dy javësh dhe duhet të zgjasë shtatë deri në tetë javë.(INA)