Bashkatdhetarët tanë, të cilët kanë filluar të kthehen në vendet e Evropës Perëndimore ku jetojnë e veprojnë po vazhdojnë të përballen me pritje të gjata në vendkalimet kufitare me Serbinë për të dalë nga Kosova.
Sipas Qendrës Kombëtare për Menaxhim Kufitar (raporti i orës 08:11) në kuadër të Ministrisë së Punëve të Brendshme ka njoftuar se bashkatdhetarët që po kthehen në vendet e Evropës Perëndimore, në vendkalimin kufitar në Merdar po presin deri në pesë orë për të dalë nga Kosova, ndërsa kolona është e gjatë 3 km.Edhe në Mutivodë pritjet janë deri në 30 minuta, ndërsa kolona është deri në 200 metra.
Ndërsa, pikat tjera kufitare të Kosovës raportohet se nuk janë të ngarkuara dhe pritjet për hyrje-dalje shkojnë maksimum deri në 10 minuta. /Telegrafi/
