Mosha nuk është sfidë, por një numër që edhe pse 74-vjeç, Skënder Cena sot është diplomuar pasi kaloi me sukses provimin e Anglishtes, duke u bërë maturanti më i moshuar në historinë e vendit.
Cena ishte shprehur ditën e provimit se do të merrte notën 6, por duket se i kaloi pritshmëritë, pasi ai është vlerësuar me notën 7.
Aksidenti në rini në hidrocentralin e Fierzës, i mori pjesërisht shikimin dhe u bë pengesa e parë për vazhdimin e shkollimit, mes shumë vështirësive ekonomike.
Mirëpo, kur ishte 64 vjeç, iu rikthye mësimit në shkollën profesionale në Kamëz, por mosha nuk e favorizoi në provimet e maturës.
