Rajonizimi i shkollave fillore në Tetovë ka shkaktuar rritje të numrit të nxënësve në disa shkolla, dhe lënien e disa të tjerave me numër të vogël nxënësish. Për shembull, në shkollën “Kirili dhe Metodi” në një klasë mësojnë nga 39 nxënës. Sipas drejtoreshës Sihana Kasa-Kasami, kjo ulë cilësinë e një ore mësimore, sepse thotë se një minutë të përkushtim mund ti jepet një nxënësi gjatë 40 minuta të orës që pamundëson që këto nxënës të jenë të përgatitur ku edhe rezultatet e testimeve tregojnë pasojat.
Ajo bën apel te ministria që të bëjnë më shumë për fëmijët.
Nga Sektori për Arsim i komunës së Tetovës thonë se në buxhetin e vitit 2024 nuk janë paraparë mjete financiare për punësime të reja.
Në disa shkolla të Tetovës numri i nxënësve në klasë të parë është shumë i ulët, ndërsa në malësinë e Tetovës ka shkolla në të cilat ende nuk është regjistruar asnjë nxënës në klasë të parë.
