Sipas shembullit të trotinetëve elektrikë, nga marsi i vitit të ardhshëm në Shkup do të jepen me qira vetura elektrike.
Kjo do të mundësohet me nënshkrimin e marrëveshjes mes kompanisë “Avant” me ministrin e mjedisit jetësor Izet Mexhiti dhe ministren e energjetikës Sanja Bozinovska.
Kompania theksoi se rreth 100 automjete elektrike tashmë kanë mbërritur në vend dhe për to janë siguruar lokacione, në komunat e Aeroportit, Gazi Babës dhe Çairit, përcjell INA.
Kompania njofton se drejtimi i makinave elektrike do të jetë shumë më lirë se sa qytetarët që marrin taksi. Si shembull ata thonë se me veturën e tyre elektrike të marrë me qira, transporti nga qendra e Shkupit deri në aeroportin e Shkupit do të kushtonte maksimumi 15 euro.
Dy ministrat theksuan se me këtë lloj transporti, i cili ka zero shkarkime të substancave ndotëse, cilësia e ajrit në Shkup do të përmirësohet ndjeshëm, sepse shembujt në Evropë ku përdoret ky lloj transporti thonë se një automjet i tillë elektrik zëvendëson 10 vetura të tjera. (INA)
