Në katër muajt e fundit, 200 nxënës ose rreth shtatë paralele të tëra nga shkollat e mesme dhe fillore të Tetovës janë shpërngulur jashtë vendit, ndërsa autoritetet lokale paralajmërojnë se trendi shqetësues mund t’i lërë pa nxënës, transmeton “TV21”.
“Në fillim të gjysmëvjetorit të dytë kemi kërkuar informacion nga të gjitha shkollat fillore dhe të mesme se sa nxënës kanë marrë dokument për transferim jashtë vendit dhe nga të dhënat nga shkollat fillore një dokument të tillë e kanë marrë 143 nxënës, ndërsa nga shkollat e mesme 59. nxënës dhe nëse i numërojmë këto numra sipas numrit të paraleleve, nëse në një klasë janë së paku 25 nxënës, na del se kemi tetë paralele më pak”, thotë Nazmi Dauti nga sektori i aktiviteteve komunale.
