Në Maqedoninë e Veriut, 120 qytetarë kanë humbur jetën nga aksidentet të ndryshme në rrugë në tre vitet e fundit. MPB-ja ka shqiptuar rreth 250 mijë gjoba për qytetarët të cilët nuk kanë respektuar rregullat në komunikacion.
Qytetarët shprehen se jo çdoherë është gjoba që vozitësit të vetëdijesohen por është edhe ngritja e vetëdijes se nuk duhet të vozitet në gjendje të dehur, dhe me shpejtësi të lartë.
“Nuk respektohen rregullat çfarë të them tjetër, cila është porosia juaj? Të respektohen dhe të vozitet pa konsumuar alkohol dhe substanca të pa lejuara. Njëra ndër arsyet ishte edhe shpejtësia. Po shpejtësia vjen vetë kur je në gjendje të dehur”, tha një qytetar.
“Duhet të bëhet kujdes. Shpejtësia por edhe tek faktori njëri, duhet më shumë disiplinë dhe me këtë automatikisht do të ndryshohet, nëse ka dënime njerëzit do e dinë. Ka rreth 250 mijë dënime vetëm për një vit, a do ulët numri i viktimave në rrugë me dënime? Tjetër nuk ka, por edhe vetëdija e qytetareve duhet të ngritët, duhet të flasim më shumë me njerëzit, të gjithë shpejtojmë, jemi të gjithë në një krizë”, shtoi një qytetar tjetër.
“Shoh nëse semafori është i hapur dhe kaloj për ndryshe pres. Duhet të kenë kujdes, në vizëbardha ndalojnë, por ndoshta ka rastisur të jenë të kujdesshëm, ndalojnë dhe kaloj, çdo ditë nuk dal por ja sot pas një kohë shumë të gjatë dola. Duhet të kenë kujdes, mos konsumojnë alkohol dhe gjëra tjera”, tha një qytetare.
Në vitin 2020 në komunikacion në vendin tonë kanë humbur jetën rreth 60 qytetarë, në vitin 2021 ky numër është rritur në 65 qytetarë, ndërsa në vitin 2022 kemi rreth 63 qytetarë. Në Evropë, vdekshmëria nga aksidentet rrugore është 40 të vdekur në një milion qytetarë. Faktorët kryesor për humbjen e jetës në komunikacion sipas statistikave në të shumtën e rasteve është faktori njëri ndërsa më pas janë edhe kushtet e rrugës dhe gjendja e automjetit./ALsat.mk
