Nënat e papuna me tre e më shumë fëmijë nën 18 vjeç prej 1 Janarit përfitojnë sigurimet shëndetësore dhe shoqërore për 5 vitet e para të fëmijës. Premtimin e ka risjellë në vëmendje kryeministri Rama ka ndarë në rrjetet sociale mëngjesin e sotëm.
Ai shkruan se të gjitha nënat që përfitojnë nga kjo skemë duhet të aplikojnë në “e-albania”.
“Mirëmëngjes, dhe me lajmin e mirë se prej 1 Janarit nënat me tre e më shumë fëmijë, duke aplikuar në E-Albania, do të përfitojnë nga politika e re e mbështetjes për nënat e papuna me fëmijë nën 18 vjeç, të cilave do t’i garantohen sigurimet shëndetësore dhe shoqërore nga shteti për 5 vitet e para të fëmijës, ju uroj një javë të mbarë”, shkroi kryeministri.
Vendimi u miratua në 26 tetor të 2022-it dhe parashikon se nënat e papuna që kanë të ardhura nën 100 mijë lekë në familje dhe rrisin më shumë se 3 fëmijë deri në 5 vjeç, do t’iu paguhen sigurimet shoqërore.
