Nënkryetari i degës së BDI-së së Çairit, Besim Koka bëri të ditur në llogarinë personale në rrjetet sociale nga sot është i shkarkuar nga pozita drejtor organizativ në Shtëpinë e Shëndetit – Shkup.
Ndryshimi vjen si rezultat i marrëveshjes për koalicionim mes BDI dhe ASH, ku një numër i konsiderueshëm i pozitave të BDI kalojnë tek partneri i ri i koalicionit, Aleanca për Shqiptarët.
Jozyrtarisht mësojmë se gati se të gjitha këto pozita që i flijon BDI, janë kuadro që kanë përkrahur të ashtuquajturin Grupi i zjarrit, grup që brenda BDI ka përfaqësuar një mendim ndryshe.
Në fakt, këtë e theksoi edhe vetë Besim Koka, i cili mes tjerash thotë: “…nuk mund ta mohoj bindjen e thellë timen, që edhepse këtë shkarkim e kam marrur më shumë se normalisht sepse e tillë është politika, çdo emrim ka edhe shkarkimin e tij, arsyeja e vërtetë qëndron tek përkrahja ime për mendimin ndryshe brenda partisë, e që une ndoshta kam marrur guximin ta shpreh, por edhe qindra dhe mijëra janë në të njejtën vijë. Këtë e bëj me bindje të thellë dhe jam i sigurt që koha do e dëshmojë që kemi pasur të drejtë.”
https://www.facebook.com/besim.koka/posts/10160473562334299
